Tankwahau na Remi,
Asiwaju maci-maza, sai mame na Remi,
Na- Sheyi sai dubu ta taru!
Asiwaju ban bar ka gudun maza daji ba!
(Dino) yac ce, “Babu komi Sheme,
Yac ce, “Ɓanna ce dai ka ga an hwara ta,
Na lura da kai ido na ƙaiƙal!”
Yac ce, “An hwara, amma ban ga ta ƙare ba.”
Nac ce, “Assha! Dino, da wa da wa ak kwance?”
Bai koma tanka man ba.
“Ka ga an buge Kashim?”
Sai yay yi man na bisashe, yag girgiza man kai nai.
“Dino, Ribaɗu sunka sabatta?”
Kuma sai yag gaggaɓan kai nai.
“Kai ko Ganduje na Gwaggo na Gawuna?”
Yab bi yag girgiza man kai nai.
“Asiwaju sunka kashe?”
Yac ce, “Shin Sheme wai had da ba’a?
“Ka san duk ba naku an ka kashe ba.”
Nac ce, “Assha! Da wa da wa ak kwance?”
Yac ce, “To na ga Obi kwance.
Hak kau Datti sun sarai.”
Nac ce, “Uban tahiyah hwa?”
“Wane a’ uban tahiyad?”
Nac ce, “Atiku.”
Yac ce, “Ai shi sunka hwara bugewa!”
Na Remi sai dubu ta taru!
Asiwaju sai dubu ta taru!
😂
(Baddalawa daga waƙar Kassu Zurmi ta Labbo Na-Magaji)
Ga asalin waƙar:
Tankwahau na Magaji,
Labbo maci-maza, sai mame na Magaji,
Na Amadu sai dubu ta taru!
Labbo ban bar ka gudun maza daji ba!
Yac ce, “Babu komi Kassu,
Yac ce, “Ɓanna ce dai ka ga an hwara ta,
Na lura da kai ido na ƙaiƙal!”
Yac ce, “An hwara, amma ban ga ta ƙare ba.”
Nac ce, “Assha! Roƙo, da wa da wa ak kwance?”
Bai koma tanka man ba.
“Ka ga an buge Gandau?
Sai yay yi man na bisashe, yag girgiza man kai nai.
“Roƙo, Dasaƙare sunka sabatta?”
Kuma sai yag gaggaɓan kai nai.
“Kai ko Dutse na Garugaru na Mande?”
Yab bi yag girgiza man kai nai.
“Labbo sunka kashe?”
Yac ce, “Shin Kassu wai had da ba’a?
“Ka san duk ba naku anka kashe ba.”
Nac ce, “Assha! Da wa da wa ak kwance?”
Yac ce, “To na ga Arne kwance.
Hak kau Bala sun sarai.”
Nac ce, “Uban tahiyah hwa?”
“Wane a’ uban tahiyad?”
Nac ce, “Sharu.”
Yac ce, “Ai shi sunka hwara bugewa!”
Na Amadu sai dubu ta taru!
Labbo sai dubu ta taru!
